Градоначалникот на Општина Илинден, Александар Георгиевски информираше дека започната била реконструкција на повеќенаменското игралиште во Мралино.
Со проектот целосно ќе се уреди игралиштето со: нова вештачка трева и мини трибина, нова заштитната ограда, нови голови и мрежи за мал фудбал и ново осветлувањето со ЛЕД светилки.
„Продолжуваме да вложуваме во спортот, за младите креираме современ, безбеден и функционален простор за спорт, дружење и рекреација. Продолжуваме со изградба на нови и реконструкција на постојните игралишта и во другите населени места, поддршката на спортот и младите остануваат да бидат еден од клучните приоритети во нашата работа“, истакна Георгиевски во објава на Фејсбук.
