Кога летните горештини стануваат неподносливи, потребно ни е вистинско освежување.
Направете си пијалок од лубеница – совршен спој на хидратација и вкус кој ја доловува суштината на летото во секоја голтка.
Здравствени придобивки од лубеницата
Лубеницата не е само вкусно уживање; таа е богата со хранливи материи што ја прават фантастичен избор за освежителен пијалок. Еве некои од здравствените придобивки од лубеницата:
Хидратација: Составена од околу 92% вода, лубеницата е одличен начин да останете хидрирани.
Богата со хранливи материи: Лубеницата е добар извор на витамини А, Ц и Б6, како и антиоксиданси како ликопен, кој е познат по своите антиинфламаторни својства.
Photo by Sahand Babali on Unsplash
Малку калории: Со само околу 30 калории на 100 грама, лубеницата е уживање без чувство на вина.
Го поддржува варењето: Содржината на влакна во лубеницата помага во подобрување на варењето.
Здравје на срцето: Ликопенот и цитрулинот во лубеницата се поврзани со подобрување на кардиоваскуларното здравје.
Летен пијалок со лубеница
Состојки:
4 чаши лубеница без семки, исечкана на коцки
1/2 чаша свежо исцеден сок од лимон (околу 3-4 лимони)
1/4 чаша мед или шеќер (прилагодете по вкус)
2 чаши ладна вода
Коцки мраз
Начин на подготовка:
Во блендер измешајте ги коцките лубеница и блендирајте додека не се изедначи.
Процедете го сокот од лубеница низ газа или цедалка и пресипете во бокал за да ја отстраните пулпата.
Додадете го сокот од лимон, медот (или шеќер) и доадеѕе ладна вода во бокалот. Добро промешајте додека не се раствори медот.
Наполнете чаши со коцки мраз и прелијте ги со лимонадата од лубеница.
Украсете со свежи листови нане по желба.
Послужете веднаш.
