Градоначалникот Горан Герасимовски во последниот период инфомира за акивностите што ги презема Општина Центар во врска со одржувањето на хигиената. Овој пат како што соопшти Герасимовски општината го исчистила сметот од улицата Славејко Арсов, на Водно.
„Акцијата за чистење на смет од центарските улици се одвива без застој. Улицата Славејко Арсов е комплетно исчистена од смет и подигната е хигиената на повисоко ниво. Нашите 120 хигиеничари секојдневно се на терен, работат во две смени со цел обезбедување на чист Центар за сите нас. Им упатувам огромна благодарност што неуморно се вложија во големата акција за чистење којашто трае една недела, откако Град Скопје потфрли. Апелирам до граѓаните да се грижиме за средината, а Град Скопје викендов да го исчисти сметот од улиците кадешто е надлежна за да не се соочиме повторно со истата ситуација од претходниот викенд. Центар не чека, Центар чисти“, вели Герасимовски.
Како што посочува градоначалникот дополнително се обезбедени шест контејнери за фрлање смет од страна на Општината откако при чистењето и миењето на улиците во едно од маалата на Кале беше утврдено дека имаат само една канта од Град Скопје.
Oд Општина Центар ги повикаа граѓаните да пријават смет и диви депонии на следните телефонски броеви: 076/350-767 и 02/3203-693.
