Претседателот на Фудбалската Федерација на Македонија (ФФМ), Масар Омерагиќ денеска информираше дека била реализирана рекордна донација на спортска опрема за 1848 деца (пионери и помлади пионери) од младинските категории во натпреварувачкиот систем на ФФМ.
Вкупно 42 екипи кои настапуваат во Супер младинската лига, Втората и Третите младинска лига (пионери и помлади пионери) добија по 44 комплети опрема (тренерки, маици и шорцеви за тренинг, ранци), како и по 30 фудбалски топки.
„Сакам да потенцирам дека оваа опрема е наменета исклучиво за децата и клубовите немаат право да им ја наплаќаат на родителите. Ќе продолжиме да правиме сè што е потребно за да им помогне на оние кои вложуваат во младинскиот фудбал, затоа што иднината на нашата игра е токму во овие деца“, истакна Омерагиќ.
