Основното јавно обвинителство по вчерашната престрелка што се случи во скопската населба Чаир известува дека дежурен јавен обвинител од Основното јавно обвинителство Скопје извршил увид на лице и се работи на целосно испистување на настанот.
„Според првичните сознанија, во престрелката учествувале повеќе лица, а од местото на настанот се подигнати траги и чаури кои ќе бидат предмет на вештачење. Обезбедени се и снимки од видео надзор кои се прегледуваат. Исто така, издадена е наредба за обдукција на телото на починатиот, а се работи на целосно испитување на настанот и утврдување на причините“, се вели во соопштението на обвинителството.
