Високата сезона на одмори започнува од јули и трае до крајот на август. Но, дали сте размислиле да заминете на одмор пред сезона?
Ако не, тогаш ви пренесуваме неколку причини зошто да го одберете јуни за вашиот летен одмор.
Избегнете ги гужвите
Луѓето кои имаат деца на школска возраст се присилени да одат на одмор во текот на сезоната, бидејќи таа се поклопува со распустот. Исто така, туристите од западните земји најчесто одат на одмор во текот на „жешките месеци“.
Поради ова, најдобрите дестинации секогаш се најпосетени во текот на јули и август. Доколку сакате да ги избегнете гужвите и да имате малку поопуштен одмор, тогаш јуни е вистинскиот месец за вас.
Одлична клима
Деновите не се толку топли како во јули или август.
Морето е пријатно за бањање, деновите се долги и сончеви, но вечерите стануваат многу поубави и посвежи и веќе нема да ви биде потребен климатизер за да спиете.
Подобри зделки
Фактот што јуни се смета за вонсезонски месец ги прави аранжманите многу поевтини отколку во врвот на сезоната. Во одредени години кога помалку луѓе патуваат на прекрасните дестинации за одмор, се случува и онака пониските цени дополнително да бидат снижени. Но, одморот во јуни не значи само заштеда на цената на аранжманот.
Локалите на местото каде што патувате, превозот, турите со бродови, изнајмувањето автомобил и сите други услуги обично се поевтини кога побарувачката се намалува. Токму затоа, вкупната цена на одморот во јуни за двајца, може да ве чини колку одмор за еден човек во врвот на сезоната.
