Погледнете ги овие три слики и дозволете интуицијата да ве води. Одберете ја онаа која најмногу ве привлекува и откријте ја пораката која ви ја носи.
Слика број 1
Ако во последно време сте се опуштиле повеќе и сте уживале во некакви задоволства и сте се чувствувале виновно заради тоа... престанете. Сe’ додека не претерате, сосема е нормално да уживате во животот. Животот не се состои само од работа, сериозност и одговорност. Во животот треба и да се ужива. Потребно е да има рамнотежа во вашиот живот. Побарајте ја таа рамнотежа и работете на балансирање на вашата енергија. Не се казнувајте себеси, тоа нема да ви помогне. Не морате да се одрекнете од задоволствата во животот. Само имајте на ум дека треба да ја вратите рамнотежата.
Слика број 2
Време е да застанете и добро да се погледнете себеси. Вие во другите луѓе гледате прекрасни карактеристики и им се воодушевувате. Иако ова е добра карактеристика, не заборавајте дека она што го препознавате во другите, присутно е и во вас. Другите се одраз на она што сте вие, ви го покажуваат она што сте. Затоа немојте да се омаловажувате. Кога ќе препознаете нешто добро во другите, потсетете се дека сте го препознале тоа, затоа што имате слична карактеристика во вас. Често мислите дека другите се подобри од вас. Време е да се ослободите од овие размислувања за себеси и да ја препознаете сопствената убавина, талент и креативност. Кога ќе почнете да ја подобрувате сопствената перцепција, ќе бидете дел од позитивните промени во овој свет. И кога ќе дозволите да блесне вистинското ЈАС, ќе ви се отворат врати на изобилство, успех и благослови!
Слика број 3
Сега е многу поволен момент за вас, можно е да почувствувате олеснување во вашиот живот или наскоро да го почувствувате. Енергетските услови се погодни за успех во кој било ваш проект. Тоа е затоа што сте направиле добар избор. Вашиот сон сега е вистина. Не ви било лесно да стигнете до оваа точка. Понекогаш се сомневавте во вашиот успех. А сепак дојде времето да ги вкусите плодовите од вашиот труд. Сега можете да ги градите своите успеси, да поставите нови цели и да започнете нешто ново. И кога ќе започнете нешто ново, бидете трпеливи, направете го тоа откако ќе размислите за целите и своите следни чекори. Патувањата би можеле да бидат вклучени во вашата работа.
