Од Швајцарија наш иселеник донираше пакети помош за најранливите семејства

Жител на село Лешани со привремена работа во Швајцарија донираше 150 пакети наменети за социјално загрозените семејства во општина Дебрца.

Жител на село Лешани со привремена работа во Швајцарија донираше 150 пакети наменети за социјално загрозените семејства во општина Дебрца.

Лешанецот Александар Голабоски денеска ја посетил Општина Дебрца каде ја предал донацијата, а покрај 150-те пакети за чија распределба ја задолжил Општината, обезбедил и дополнителни 60 пакети за селата Лешани и Арбиново.

Градоначалникот на Дебрца Зоран Ногачески изрази благораност за донацијата, истакнувајќи  дека преку општинските служби истата ќе биде доставена на оние на кои им е најпотребна. Тој најави дека од средства од буџетот на општината ќе бидат обезбедени дополнителни 150 пакети за социјално ранливите категории граѓани.