ФК Вардар денес излезе со официјално соопштение во кое се вели дека дефинитивниот термин за одигрување на натпреварот во рамките на квалификациите за Лигата на шампиони против хрватскиот шампион Динамо Загреб, е 12-ти јули (Вторник). Почетокот на натпреварот е закажан во стандардниот термин 20 часот и 45 минути. Вардар ќе биде домаќин на Динамо на Националната арена „Филип Втори“ и во првиот натпревар ќе се обиде да заработи предност пред реванш натпреварот недела дена подоцна во Загреб.
ФК Вардар информираше дека билетите за натпреварот ќе можат да се купат од 1-ви јули, петок. Тие ќе бидат достапни на продажните места на Тикет-плус или онлајн на веб сајтот ticketplus.mk. Промотивната цена на билетите од 1-ви до 6-ти јули ќе биде само 100 денари за сите трибини, додека потоа ќе биде дупло поголема, односно 200 денари.