Патот од дете до господин е долг пат, но вашиот син мора да ги научи лекциите кои ќе ги прочитате во продолжение.
Воспитувањето на син е прекрасна привилегија, но може да биде и напорно искуство. За да станат добри луѓе, прекрасни татковци и мажи, вие како родители морате да ги научите на овие работи.
Еден ден, вашиот мал син ќе стане возрасен, независен маж и тогаш нема да треба да се грижите за него, но дотогаш би требало да научи многу работи. За вас издвоивме неколку важни работи кои секоја мајка (но и татко) би требало да ги пренесе на својот син.
1. Биди галантен и почитувај ги жените
Иако се чини дека овие две работи одат заедно, понекогаш и не е така. Ако го научите да пронајде рамнотежа помеѓу галатност и почитување, вашиот сладок малечок ќе стане вистински господин.
2. Секогаш раскренувај зад себе
Не дозволувајте вашиот син да очекува неговата идна девојка или сопруга да чисти и да раскренува по него. Научете го вашето дете да има навика да чисти зад себе и да се грижи сам за себе.
3. Никогаш не дозволувај девојка да те скара со пријател
Веројатно вашиот син додека расте неколку пати ќе се заљуби и одљуби, но добрите пријатели од детството обично остануваат за цел живот. Објаснете му на својот син дека најдобрите пријатели се како членови на семејство и дека никому не треба да дозволи да ги раздвојува.
4. Ако некој се обидува да те промени, тој некој не го заслужува твоето време и труд
Без оглед на тоа дали се работи за девојка или пријател, ако тие не го сакаат вашиот син таков каков што е, никогаш нема ни да го засакаат, без оглед на тоа колку труд ќе вложи да се промени. Дури и комплетно да се промени,нема да биде никогаш потполно среќен.
5. Секогаш ракувај се цврсто и гледај ги луѓето во очи
Овие два манири се многу важни за да го добиете почитувањето на луѓето, без оглед на тоа дали се работи за работа или стекнување нови пријатели. Исто така, треба да го научите вашиот син да ги поздравува луѓето и да честита важни датуми.
6. Нема секогаш да бидеш силен
Понекогаш животот може да биде тежок и никој не треба да глуми дека е силен и да се обидува да се избори со сите препреки и проблеми. Научете го вашиот син дека е во ред да направи грешка или да доживее пораз, затоа што на тој начин ќе научи важни лекции.
7. Некој да правиш погрешни работи само за да излезеш фраер пред друштвото
Вашиот син најверојатно за време на растењето ќе биде во искушение да направи нешто лошо за да биде прифатен во друштвото. Научете го дека пријатели кои го тераат да прави лоши работи не му се прави пријатели.
8. Сам си одговорен за своите грешки
Ова е една од најважните лекции кои треба да му ги пренесите на својот син. Тој исто така треба да научи да презема одговорност за своите грешки и да научи нешто од нив. Многу е важно да знае кога е потребно да им се извини на луѓето кои ги повредил.
9. Семејството е секогаш на прво место
Научете го вашиот син дека членовите на семејството се негови најдобри пријатели и дека секогаш треба да биде покрај нив. Кога ќе остарите ќе сфатите дека оваа лекција вредела, затоа што вашиот син ќе биде со вас во најтешките моменти.
10. Не е срамота ако не знаеш нешто и ако послушеш нечиј совет
Вашиот син треба да сфати дека секогаш е океј да праша нешто или да побара совет. Важно е да не крие ништо, дури ни малите проблеми, затоа што со криењето само ќе прераснат во големи проблеми. Покажете му дека може секогаш да ви верува и дека секоја негова тајна е безбедна со вас.
