ОД 9 ДО 20 ЈАНУАРИ: „Кино утро“ за најмладите во Кинотека

Кинотеката на Македонија и овој зимски распуст за најмладите ќе ја организира филмската програма „Кино утро“ од 9 до 20 јануари.

Ќе почне во вторник со филмот „Мравко“ - приказна за 12-годишниот Пеле кој откако е каснат од мравка добива моќ и се претвора во суперхерој Мравко. Филмот е синхронизиран на македонски и ќе биде прикажан и на 15 јануари. Почетокот е во 12 часот.

На 10 и 16 јануари на програмата е анимираниот „Облачно со можност за дожд од ќофтиња“, на 11 и 17 јануари - „Малите виленици Пикси“, на 12и 18 јануари - „Мармадјук“ и на 13 и 20 јануари - филмот „Змејска топка 2“.