Ново улично осветлување на влезот во Бучинци во општина Илинден

Општина Илинден продолжува со реализација на проектот „Илинден-Светла Општина”, кој опфаќа проширување и модернизација на уличното осветлување, со поставување на нови линии на улиците во сите населени места, поставување на електрични столбови, зголемување на бројот на електрични светилки и тековно одржување на јавното осветлување.

Во рамките на овој проект, како што соопшти Општина Илинден, поставена е нова линија за улично осветлување на влезот во населеното место Бучинци, во должина од 400 метри, како и нова линија од 50 метри, на една споредна улица во ова населено место.

– Покрај активностите за поставување на нови линии за улично осветлување се врши и докомплетирање на постојните линии и се вршат интервенции за отстранување на оштетените сијалични места при што се вградуваат нови. Досега низ цела територија на општината се сменети над 300 стари со нови лед светилки, а поставени се 15 столбови со лед светилки, наведуваат од Општина Илинден.