Ново мултифункционално игралиште ќе добијат жителите на Градинар во скопската општина Кисела Вода. Ќе се протега на површина од 1100 метри квадратни и со овој градежен зафат како што објави градоначалникот Орце Ѓорѓиевски на жителите ќе им се обезбеди безбеден и современ простор за спорт и рекреација.
„На новото мултифункционално спортско игралиште со површина од 1100 квадратни метри, ќе има и детско катче опремено со нови реквизити, фудбалско игралиште, кошаркарско, простор за возрасните и урбана опрема која дополнително ќе го разубави овој простор. Со други зборови, за многу брзо време од сега жителите на Градинар ќе добијат простор за одмор, за рекреација и спортување, изведен по сите современи стандарди.
Претходно, ги обновивме улиците и изградивме фекална мрежа. Во целата општина решаваме децениски проблеми со цел во целост да го смениме имиџот на Кисела Вода која за жал во минатото беше синоним за лоша инфраструктура и за негрижа на одговорните. Ние продолжуваме понатаму да создаваме услови за поквалитетен живот, бидејќи мојот народ заслужува“, напиша Ѓорѓиевски.
