ФФМ ги претстави дресовите со кои македонската репрезентација ќе игра на претстојното Европско првенство.
Иако дали некој дизајн е убав или не е сосема субјективна работа, денес на социјалните мрежи може да се забележат низа реакции, најмногу поради нијансата на црвениот модел. Според реакциите, новата боја е бордо-нијанса, односно темно црвена, која не е компатибилна со црвената боја на нашите државни симболи.
Ситуацијата отиде дотаму што со петиција се бара да се врати стилизираниот дизајн на македонското знаме на дресовите.
Фудбалска федерација на Македонија: Македонија на ЕП во старите дресови! - Sign the Petition! https://t.co/6qgZaqoG6L via @Change
— Ненајаден (@Act_A__Fool) May 28, 2021
Од ФФМ досега не излегоа со соопштение или реакција во врска со дресовите, но како што може да се види и со останатите репрезентации, концептот на дизајнот е сличен, па можеби се работи за стандард кој треба да се запази на првенството.
Инаку, дресовите ги има и во бела и црна боја. На белиот дрес има жолти детали.
