Новоизбраниот градоначалник на Кисела Вода Орце Ѓоѓиевски и официјално го зпаочна својот градоначалнички мандат.
-Од денес Кисела Вода почнува со работа, од денес, моите сограѓани добиваат свој човек во општината.Како што се обврзав и во кампањата, мојата канцеларија ќе биде отворена секој ден, за секој од вас. Ќе ги решиме сите Ваши проблеми заеднички, а Кисела Вода ќе ја изградиме онака како што доликува, општина за сите луѓе, општина од 21.век, рече Ѓоѓиевски.
-Денес го превземав раководењето со општината, а на општинската администрација сакам да и порачам дека јас нема да се реванширам и одмаздувам, јас сум градоначалник на сите жители на Кисела Вода, но ќе барам од администрацијата кон секој граѓанин да се однесува со почит и уважување, порача тој.
Ѓорѓиевски најави и ревизија на четиригодишното работење на општината, и како што рече, онаму каде што имало пропусти ќе се погрижи да бидат расветлени.
