Нови цени на дел од горивата од полноќ

Регулаторната комисија за енергетика донесе нова одлука за цените на нафтените деривати и горива.

Малопродажната цена на бензинот БС-98 се намалува за два денари за литар и ќе чини 83,5 денари за литар, додека цената на Екстра лесното масло за домаќинство се намалува за 2,5 денари за литар и ќе чини 74 денари за литар.

Цените на БС-95, Еуродизел и Мазутот не се менуваат, односно ќе се продаваат по исти цени и по полноќ. Бензинот БС-95 ќе чини 81,5 денари за литар, Еуродизелот изнесува 75,5 денари за литар, а Мазутот се продава по цена од 39,779 денари за килограм.