Нова одлука: Поскапуваат бензините и дизелот

Горивата од ноќеска на полноќ ќе поскапат за денар, односно за 1,5 денар, соопшти Регулаторната комисија за енергетика.

Малопродажната цена на бензинот еуросупер БС-95 се зголемува за 1,5 денар за литар и со тоа новата цена ќе изнесува 68,5 денари.

Цените на еуросупер БС-98, на дизелот ЕУРОДИЗЕЛ (Д-Е V) и на екстра лесното масло за домаќинство (ЕЛ-1), се зголемуваат за еден денар за литар.

Новата цена на еуросупер БС-98 ќе изнесува 70,5 денари за литар, на дизелот 61,5 денари, а на екстра лесното масло за домаќинство (ЕЛ-1) изнесува 51 денар.

Малопродажната цена на мазутот М-1 НС се зголемува за 1,612 денари за килограм и новата цена ќе изнесува 34,849 денари.