Ноќеска, убиено младо момче во Ново Лисиче

Момче на возраст од 17 години починало од убодна рана која му ја задал познаник во Паркот на музиката во Ново Лисиче, дознава „Слободен печат“.

Немилиот настан се случил неколку минути после полноќ. Момчето било живо додека пристигнала екипата на Итна помош. Но, поради обилното крвавење, тоа за жал починало. Напаѓачот бил фатен од граѓани и другари на ранетиот, па ѝ бил предаден на полициска патрола.