Необјавен спот на Влатко Илиевски (видео)

„Фабрика продукција“ на својот официјален канал на „јутјуб“ објави нов спот на Влатко Илиевски.

Станува збор за видеозапис за песната „До крајот“. Нема детали кога е снимен овој проект, а видеото е споделено и на „фејсбук“ на една од фан-страните на трагично починатиот пејач.

Безживотното тело на Илиевски,  беше пронајдено во неговиот автомобил во Скопје. Според првичните информации, кај починатиот поп-пејач Влатко Илиевски не биле видливи траги на насилство, соопшти Основното јавно обвинителство Скопје. Дежурен јавен обвинител од ОЈО работи на расветлување на причините за смртта на 33-годишниот Илиевски.