Во потрагата по совршениот сос за Цезар салата наидовме на овој рецепт, кој сега за сега го зазема првото место, барем според нашите вкусови. Пробајте и уверете се!
Цезар салатата важи за една од омилените салати помеѓу луѓето, а со оглед на тоа што станува збор и за светски познат рецепт, исиот има безброј верзии, секако, зависно од вкусот на оној кој ја подготвува. Во продолжение прочитајте еден нов рецепт за подготовка на преливот за Цезар салатата.
- 2 чешлиња лук, издробени
- 1 супена лажица сенф
- 1 супена лажица балсамико
- 2 лажички мајонез
- сол
- бибер
- масло
- сок од лимон
- сардели измелени ( по желба )
Ставете го лукот, сенфот, балзамика оцетот и сол во блендер. Потоа додадете го мајонезот и вклучете го блендерот, оставајќи ги состојките во него се додека не се создаде густа смеса. Намалете ја брзината на работење на блендерот и додадете го солот, маслото, биберот и сокот од лимон. По желба можете да додадете и сардели за да добиете посолен, побогат вкус.
