Со претходното прегласување, коалицијата „Европски фронт“ загуби еден пратеник, додека „Вреди“ доби еден пратенички мандат.
По пресудата на Управниот суд, ДИК треба да донесе одлука, а Собранието да го верификува последниот мандат. Се очекува да се објави и името на новиот пратеник кој ќе го замени Касами, кој ќе остане градоначалник на Тетово.
Државната изборна комисија ќе одлучува дали и кога ќе се гласа за нови градоначалници, во општините каде што досегашните градоначалници станаа дел од новиот пратенички состав во Владата.
