Не им смета името Македонија: И Грците бараат селфи со Лазаров!

Само што пристигна македонската репрезентација на Македонија во Кожани и го одработе единствениот тренинг, во хотелот каде се сместени ракометарите и пред салата во која тренираа се собраа луѓе. Не да протестираат туку да прашаат каде е Лазаров?

Најдобриот стрелец на сите ЕП и СП и во Лигата на шампионите е добро познат во Грција. Сите што дојдоа сакаа да се фотографираат со нашиот капитен. Никому не му сметаше што тој беше облечен во тренерка на која го имаше името Македонија. Поважно беше во телефонот да се има сувенир со еден од најдобрите светски играчи на денешницата.

Слично беше и на последното ЕП 2018 година во Хрватска

Македонија денес од 16 часот го игра вториот натпревар од квалификациите за ЕП 2020 година. Нашите момци гостуваат кај Грција. ТВ преносот ќе биде на Телма.