Направете сами – домашен путер од кикирики

Путерот од кикирики се подготвува брзо и лесно.

Губење на килограмите, превенција на рак на дојка и добар сон се само некои од бенефитите од консумирање на путерот од кикирики. Путерот од кикирики е полн со корисни витамини, минерали, здрави масти и елементи кои му се потребни на вашето тело.

Путерот од кикирики е одличен извор на протеини и влакна. Не го менува нивото на шеќер во крвта и е одличен за слабеење. Консумирајте две лажици, два пати неделно и ќе ослабете.

Како да направите сами?

Ставете една шолја кикирики во блендер. Оставете ги околу 5 до 7 минути. Ќе добиете кремаста смеса која може да се мачка. Може да додадете и малку масло во текот на мешањето доколку забележите дека смесата е сува.

Доколку сакате да експериментирате со вкусови ви ги препорачуваме следните рецепти:

Путер од кикирики со чоколадо и морска сол

3 шолји кикирики

¼ од шолја наполнете со ситно исецкано чоколадо

Малку морска сол

Изблендајте ги кикириките (5 до 7 минути) и на крај додајте го чоколадото и солта.
 

Путер од кикирики со мед и ванила

3 шолји кикирики

2 лажици мед

1 лажица екстракт од ванила

2 лажици кокосово масло

Ставете ги кикириките во блендер и вклучете го на најсилна брзина. Оставете 5-7 минути. На крај додајте мед, екстракт од ванила и кокосово масло, па блендирајте уште 2 до 3 минути.