Наместо дочек на Нова година, пакетчиња за првооделенците во Ѓорче Петров

Градоначалникот Александар Наумоски одлучи наместо да се организира прослава во Ѓорче Петров, средствата за дочек на новата 2018 година да се пренаменат за новогодишни пакетчиња за сите првооделенци од училиштата на територија на општината, соопшти општината.

Оттаму информираат дека во однос на украсувањето на територија на општината, согласно Законот за јавни набавки и по спроведена постапка, како најповолен понудувач е избрана фирмата „Линк медиа“ од Скопје. Со украсувањето ќе бидат опфатени повеќе локации, меѓу кои улиците „Ѓорче Петров“, Партизански одреди до „СП Планет“, двата кружни текови, паркот и споменикот на Ѓорче Петров пред СП Планет.

Украсувањето за кое  ќе се одвојат 1.059.201 денари, предвидено е да биде завршено во наредниот период.