Направете вкусни и брзи и лесни пирошки од вашата кујна, како од пекара.

СОСТОЈКИ:

500 гр. брашно

25 гр. квасец

2 дл. млако млеко

1 лажиче шеќер

2 компири

50 гр. маргарин

сол

2 јајца

150 гр. шунка

200 гр. сирење

ПОДГОТОВКА:

Компирот се мие и лупи, па се обарува во солена вода. Се цеди и пасира со малку сол.

Се соединува млеко со шеќер и малку брашно како и квасецот во сад, па се меша и се остава да надојде.

Се става половина од брашното со јајца, па компирот и маргаринот, а потоа се додава и квасецот кој надошол.

Се додава и преостанатото брашно и се меси со раце.

За фил исечете ја ситно шунката и изронете го сирењето.

Тестото расукајте го, ставете од филот и сечете правоаголници, па залепете ги краевите.

Пржете ги пирошките во масло.