Најстрастните парови според Зодијакот: Кога овие парови ќе се сретнат – искри летаат насекаде

Астрологијата потврдува дека спротивностите се привлекуваат, а тие врски обично се проследени со силна хемија, но и многу конфликти.

Откријте како спротивни знаци често произведуваат страствени врски

Овен и Вага

Уште при првата средба тие чувствуваат силна привлечност. Односот ќе биде вистински предизвик на кој тешко ќе можат да му оддолеат, но ќе се јават проблеми, затоа што „пристојното однесување“ и „живот по правила“ ќе му одат на Овенот на нерви, а Вагата ќе се сака да го „цивилизира“. За да успее врската, потребни се заеднички проекти и активности.

Бик и Скорпија

Оваа е жешка комбинација уште од самиот почеток. Кога сензуалните и опуштени Бикови ќе се опуштат пред Скорпиите и ја увидат нивната страст за животот, доаѓа до силни копнежи. Ако се спојат во љубовна врска, конфликтите се неизбежни. Работите можат да се поправат ако својата страст ја изнесат од дома и ја насочат кон заедничко дружење со пријателите.

Близнаци и Стрелец

Нивната привлечност не е само физичка, туку се привлекуваат и на умствено ниво. Љубопитните Близнци и филозофски настроените Стрелци лесно се фасцинираат и во состојба се со часови да разговараат за сѐ и сешто. Сепак, проблемите настануваат кога Близнаците почнуваат да се нервираат поради ставот на Стрелците дека „знаат сѐ“, а на Стрелеците им пречи што Близнаците се површни и сакаат да разговараат. Но, нив повторно ќе ги спојат заедничките интереси: патување, излет во природа...

Рак и Јарец

Откако чувствителните Ракови кои се наклонети кон сигурност ги запознаат силните и доминантни Јарци, се создава класична привлечна врска. Но, тој привлечен однос лесно може да ја изгуби својата магија, затоа што Раковите чувствуваат дека Јареците ги игнорираат, додека на Јарците ќе им смета зависноста и чувствителноста на Раковите. За да опстане оваа врска, треба да се посетат дека не се само партнери, туку и љубовници. Оживувањето на страствениот елан ќе ги врати работите во нормала.

Лав и Водолија

Во моментот кога кралот на својот универзумот – Лавот, ќе ја сретне уникатната Водолија, која не се поклонува пред ничиј авторитет – искри летаат на сите страни. Таа бунтовност е она што го фасцинира Лавот, додека Водолијата се восхитува на неговата харизма. Но, потребата на Лавот за внимание ќе и оди на нерви на Водолијата, додека пак Лавот не може да го поднесе фактот што Водолијата им пркоси на општествените норми. Врската ќе опстане ако и двете страни се заинтересирани за повремено заедничко повлекување од општеството.

Девица и Риби

Фатална е енергијата кога практичните Девици кои сакаат ред и распоред во животот ќе се спојат со Рибите кои пливаат низ животот за да избегаат од рутината. Нивниот љубовен однос и двете страни го доживуваат како можност да си го променат љубовтот. Девиците ќе им помогнат на Рибите во организација, а Рибите ќе им покажат на Девиците како да се опуштат.

Со текот на времето, Девиците ќе почнат да им замеруваат на Рибите за нивната несериозност, а Рибите не можат да го поднесат фактот што Девиците сакаат да контролираат и критикуваат сѐ. Односот ќе опстои само со прилагодливост од двете страни и чести разговори.