Денес го славиме најблагородниот чин - дарувањето. По повод Денот на формирањето на Црвениот крст и Денот на крводарителството, им оддадовме признание на нашите тивок херои од Ѓорче Петров, сподели градоначалникот, Александар Стојкоски.
„Хуманоста не се зборува - таа се живее. Горди сме на нашите сограѓани кои со огромно срце спасуваат животи, давајќи го најскапоценото - дел од себе“, истакна тој во објавата на Фејсбук.
Добитници на признанијата се:
„Посебен аплауз и длабока почит за Владимир Блажески за неговиот голем јубилеј - 50 дарувања крв! Подвиг кој е вистински пример за сите нас“, нагласи Стојкоски.
Признанија за посветеност и поддршка на хуманитарните активности беа доделени и на Драган Трпески (вработен во Општината), како и на градоначалникот Александар Стојкоски, кој во објавата посочи дека оваа чест ја прифаќа со голема одговорност и ветување дека ќе продолжат уште посилно во оваа заедничка мисија, воедно упатувајќи благодарност до сите хуманитарци и крводарители.
