Најдобра исхрана за пред и по тренингот

Со секој тренинг оди и правилната исхрана.  Исхраната е најважна и најмногу влијае за ефектите на тренингот и за обликување на вашето тело. Денес за вас, неколку важни совети за вашето вежбање и исхрана.

Јадење најдоцна 60 минута пред тренингот

Исхраната има големо влијание на резултатите од тренингот, но и добриот тајминг. Најдобро е да јадете час до час и половина пред тренингот, но притоа треба да внимавате и на големината на оброците. Претерувањето со храна може да влијае на неудобност за време на вежбањето. Многу е важно исхраната да ја прилагодите на себеси како поединец и да ја надополните со рибино масло, витамин Д, како и овошје и зеленчук.

Пилешко, ориз и грчки јогурт пред тренинг

Час пред тренингот се препорачува оброк со ниско ниво масти. Најдобро е да ги комбинирате намирниците со повеќе протеини, како  пилешко, риба и грчки јогурт со јаглени хидрати како ориз и грав. Тоа ќе му даде на телото доволно енергија за да изведува тешки вежби без големи напори.

Пред тренингот избегнувајте...

Намирници со високо ниво на масти. Телото најбавно ги разградува мастите, па варењето се забавува, а ризикот од надуеност расте, а тоа сигурно не го сакате, затоа што потешко ќе ги изведувате вежбите.

После тренинг – Смути!

Идеален оброк по тренингот е мешавина од протеини, јаглени хидрати и здрави масти. Меѓутоа, како и пред вежањето, треба да се внимава на нивото масти, затоа што го забавува варењето на храната. Најдобро е да почнете со течен оброк, па да завршите со цврст оброк во слична комбинација како што се јаде и пред тренингот. Се препорачува овошно смути, смути од зелен лиснат зелечнук или протеински напиток. Телото поради тоа побрзо ќе се врати во нормала, а ќе се намали уморот.

Ако брзате – тука се аминокиселините!

Ако сте прилично во теснец со времето и не стигнете да јадете пред тренингот, тоа може да го надополните со BCAA аминокиселини. Тие аминокиселини го спречуваат заморот и ја зајакнуваат мускулната маса. Тие можат да бидат во облик на пилула или прашок во комбинација со сок или вода. Предноста е што може да се пие и за време на тренингот.

Мит: Кафе и чоколадно млеко

Кафето пред тренингот ја крева издржливоста за 30% и го намалува напорот. Се препорачува мала шолја кафе час пред тренингот, но ова зависи и од вашата реакција на кофеинот. Чоколадното млеко сепак не е најдобар избор по тренингот. Иако често се препорачува затоа што го зголемуваа гликогенот во мукулите и го забрзува опоравувањето, сепак е полош избор од смутијата и протеинските напитоци. Содржи казеин, протеин на кој некои луѓе се алергични.