На крајот сите го покажуваат своето вистинско лице

На крајот сите го покажуваат своето вистинско лице, само потребно е доволно долго да набљудуваш.

На крајот сите го покажуваат своето вистинско лице, затоа што човек се уморува од сите работи во својот живот, се уморува од чекорењето кон своите цели, се уморува од умилкувањето, се уморува од светот кој не е таков каков што го очекувал. А најмногу од сѐ, се уморува од држењето маски на лицето и има силна потреба да ја симне маската за неговото лице да може да дише.

На крајот сите го покажуваат своето вистинско лице и тоа најчесто во моментот кога не го очекуваш тоа. Затоа што човек се уморува од падови и докажувања дека е совршен, се уморува од глумењето позитивност во тешки моменти, се уморува од грижи кои ништо не му донеле. А најмногу од сѐ, се уморува од луѓе кои му оделе на нерви, луѓе кои биле негова копија, кои по секоја цена сакале нешто од него и играле игри за да го добијат тоа.

На крајот сите го покажуваат своето вистинско лице и тоа многу порано отколку што очекуваш. Затоа што човек се уморува од зборувањето на другите, се уморува од мешање во туѓите животи, се уморува од тоа што не бил онаков каков што очекувал и доста му е од сѐ. А човек највеќе се уморува самиот од себе, од истите дијалози сам со себе, од истите очекувања и разочарувања, од истите бегства од себеси и другите, а нема каде, нема кај кого.

На крајот сите го покажуваат своето вистинско лице, лице кое било полно со козметика и шминка. Сите се уморуваат кога ќе заврши претставата и кога повеќе не треба ништо да докажуваат и покажуваат. Се уморуваат кога ќе го добијат она што им требало и кога ќе сфатат дека улогата која ја играле не била вредна за тоа. Но, што да се прави, една претстава завршува, а друга претстава почнува и втората претстава треба да се игра помудро.

Животот е таков: Сите на крајот го покажуваат своето вистинско лице, а тогаш сфаќаш кои се глумци, а кои вистински луѓе.

air max 90 essential sale