МВР со детали за сообраќајката во која загинаа три лица

Трагедија вчера во близина на Дебар. Во сообраќајна несреча смртно настрадаа три лица. 

На 01.08.2022 околу 16.45 часот во СВР Тетово било пријавено дека на патот Р1-202 Мавровска раскрсница-Дебар, кај Стрезимирски Мост, патничко моторно возило „рено сценик“ со германски национални  ознаки, сопственост на Р.Ф.(42) од с.Новак, излетало од патот.

По несреќата, лекар од итна медицинска помош-Гостивар констатирал смрт кај Н.С.(52), Р.Н.(35) и Р.Ф., сите од с.Новак, а С.М.(49) од с.Новак била пренесена во Комплекс клиники „Мајка Тереза“ во Скопје за укажување на лекарска помош, соопшти МВР. 

Увид на местото на настанот извршиле Јавен Обвинител и увидна екипа од Полициска станица Гостивар, а по наредба на Јавниот Обвинител над починатите лица во текот на наредниот ден ќе се врши обдукција.