МВР: Обид за киднапирање на две годишно дете во Скопје!

Непознато женско лице на возраст од околу 60 години вчера попладнето се обидело да одземе две годишно дете.

Настанот, според пријавата на мајката А.П. (34), се случил додека таа излегувала од супермаркет лоциран во Аеродром, при што жената се обидела да и го одземе две годишниот син.

-Од страна на полициски службеници, веднаш е излезено на местото на настанот, извршен е разговор со пријавителката и преземени се сите потребни мерки и активности за расчистување на настанот. Првичните индиции не укажуваат на кривично правен настан. Потенцираме дека детето е со својата мајка, а полицијата во најкраток можен рок ќе го расчисти случајот и ќе ја информира јавноста, информираат од МВР.