Министерот за надворешни работи и надворешна трговија, Тимчо Муцунски денеска информираше дека во седиштето на Светската трговска организација остварил одлична средба со генералната директорката Нгози Оконџо-Ивеала.
„Разговаравме за влијанието на геополитичките случувања врз глобалната трговија, економските реформи и привлекувањето странски инвестиции, нашето членство во НАТО и усогласеноста со европската надворешна и безбедносна политика, истакна Муцунски.
Тој информираше и дека директорката Нгози Оконџо-Ивеала ги поздравила економските и надворешно-трговски политики на Владата.
„Заеднички истакнавме дека забрзаната интеграција на Западниот Балкан во Европската Унија ќе донесе нови инвестиции, побрз економски развој и поширок пристап до меѓународните пазари. Активното учество и засилената соработка со Светската трговска организација ќе биде еден од приоритетите во следниот период“, информираше министерот.
