Мртов маж најден на паркинг во Скопје

Тело на мртов маж е најдено попладнево на паркингот кај стара последна 5-ка во Ново Лисиче. Телото е откриено во 17.15 часот, јавува Телма.

Мажот е струполен и се наоѓа зад автомобил паркиран на обележаните места. Првичните сознанија се дека станува збор за жител на соседната зграда.

Полицајците се веќе на терен и се очекува и крим техника да изврши увид. Засега нема информации за можната причина за смртта на починатиот.