Вечерва небото ќе биде осветлено од младата Месечина во Девица.
Photo by Terry Richmond on Unsplash
Што ги очекува хороскопските знаци?
Овен
Оваа млада Месечина ви носи поддршка на повеќе полиња, бидејќи ви носи нови почетоци. Без оглед на тоа дали ви е потребно нешто на лично или професионално ниво, ја имате поддршката да го направите тоа. Освен тоа, младата Месечина формира тригон со Уран во вашата втора куќа на стабилност, финансии и сигурност. Дали вашите вредности и навики се усогласени со вашите цели? Како можете да бидете поуспешни и попродуктивни, без за да заборавите на задоволството? Одговорите доаѓаат.
Бик
Вие сте способни да создадете живот кој ве инспирира и исполнува, но некогаш се плашите од промените. Ова е особено важен период за вас, бидејќи Девицата е присутна во вашата петта куќа која владее со вашата автентичност. Овој период ви носи можности да започнете нешто ново што е поврзано со вашите интереси, но и романтични желби. Освен тоа, Месечината е во тригон со Уран во вашиот знак, можно е да се смени целосно вашиот пристап кон овие животни аспекти.
Близнаци
Родените во овој знак имаат потреба да го средат хаосот во нивниот живот. Некои Близнаци ќе почнат од домот, други од пријателите или пак ќе пробаат да направат некаква реорганизација во нивниот живот. Луната создава и моќен тригон со Уран, што за вас доаѓа како изненадување, но ви носи и одредено чувство на слобода. За вас доаѓа нов почеток, но на подобро.
Рак
Можно е да се чувствувате ментално заморени, но младата Месечина ви носи решение. Таа е присутна во вашата трета куќа на комуникација, што значи дека добивате можност да ги организирате, структурирате и поедноставите нештата во вашиот живот. Некои претставници на овој знак ќе се посветат на градење нова вештина. Младата Месечина е во хармонија со бунтовниот Уран во вашата единаесетта куќа на асоцијации и заедници, па така доаѓа и нова визија на ова поле. Одредена соработка би можела да се покаже како многу корисна за вас на долг рок.
Лав
За Лавовите, младата Месечина е во знакот на финансиите. Таа е присутна во вашата втора куќа на финансии и вредности, што ќе ве поттикне да бидете практични во однос на вашата финансиска ситуација. Луната е исто така и во тригон со Уран, што ви дава одредена спонтаност и изненадување во вашиот живот.
Девица
Младата Месечина е во вашиот знак, што значи дека вие ќе бидете најпогодени од овој транзит. Но, што значи тоа за вас? Можно е да добиете сосема нова шанса за нов почеток. Дополнително, Месечината е во хармонија со Уран, во вашата деветта куќа на експанзија и врефности. Не се плашете да преземете ризици, ако добиете можност за тоа. Ова е време за сосема нова фаза во вашиот живот. Искористете ја шансата.
Вага
Уживајте во тишината. Месечината ви носи нови почетоци во вашата дванаесетта куќа на соништа и потсвест. Дајте си момент да бидете со себеси и посветете се на своите лични цели, но далеку од другите. Ова е период за одмор и хармонија. Тригонот на Месечината со Уран во вашата осма куќа на интимност ви носи убава енергија и поврзување со нови луѓе со кои можете да бидете свои, но и да се чувствувате убаво.
Шкорпија
За Шкорпиите, младата Месечина носи можност да се посветите на своите долгорочни цели, но и тоа како се поврзувате со другите. Кои се следните чекори во вашиот професионален живот? Можеби ви е потребна инспирација, а неа ќе ја најдете кај другите луѓе. Младата Месечина е исто така во хармонија со Уран во вашиот сектор на љубовни односи, носејќи ви нова можност за едно долгорочно партнерство.
Стрелец
Младата Месечина ја осветлува вашата десетта куќа на кариера, што ви носи потреба да ги покажете своите способности и да бидете лидери. Некои Стрелци ќе се потрудат да побараат нова работа, а други ќе се насочат кон градење стратегија за нови потфати. Младата Месечина е во хармонија со Уран, што може да ви донесе и изненадувања и можности кои ќе ја зголемат вашата продуктивност.
Јарец
Важно е да истражите добро. Месечината е во вашата експанзивна деветта куќа на патувања, учење и далечни територии. Кои се вашите долгорочни цели и како планирате да се развивате? Ова дефинитивно е период на проширување на хоризонтите без оглед на тоа дали станува збор за нови патувања или пак вештини. Истовремено, Месечината е во тригон со Уран во вашата петта куќа на изразување и проекти. Ова би можело да ве однесе на еден сосема неочекуван пат.
Водолија
Младата Месечина става фокус на вашите споделени ресурси. Можно е да се поврзете со луѓе со кои ќе склопите нови партнерства, или пак ќе правите евалуација на она што ви е важно во моменталните соработки. Исто така, таа е во тригон со Уран кој е вашиот модерен владетел во вашиот сектор на домот и семејството. Ова може да ги „размрда“ работите во вашиот домашен сектор и да ви донесе неочекувани нешта.
Риби
За Рибите, ова е период кога ќе бидат инспирирани поблиску да погледнат на односите со другите луѓе. Месечината е во вашата седма куќа на договори, компромиси и љубовни односи. Што се случува за вас на ова поле? Кои се промените кои ги посакувате за себе? Луната истовремено е во тригон со Уран во вашиот комуникациски сектор. Тоа ви носи важни разговори, каде ќе научите нешто ново.
