Министерството за здравство информира дека се обезбедени нови количини вакцини против ковид-19.
- Станува збор за 11.520 дози кои во текот на неделава ќе бидат дистрибуирани до здравствените домови. За таа цел, сите заинтересирани граѓани кои сакаат да примат вакцина против ковид-19, може да се обратат до најблискиот здравствен дом. Во Скопје, вакцинацијата ќе се одвива во поликлиника Бит Пазар, информираа од ресорното министерство
Инаку, вакцините се наменети за возрасни и адолесценти над 12 години.
- Потсетуваме дека вакцинацијата претставува најдобра и најефикасна мерка за заштита на здравјето на населението од заразни заболувања, велат од министерството за здравство и додаваат дека во континуитет ја следат состојбата со ковид-19.
