Месечен хороскоп за април 2023: Водолија

Ова е месец на огромна трансформација.

Работа

На крајот на март, Плутон го започна своето долго патување во вашиот знак што најавува нов циклус и голема трансформација. 

За поголем дел од Водолиите, април е еден од подобрите периоди во годината. Но, само треба да внимавате да не бидете неодлучни во врска со важните одлуки кои треба да ги донесете. Ако некој чека на вас и очекува да бидете брзи, почитувајте го тоа. 

Во однос на некои ситуации, ќе се чувствувате како рацете да ви се врзани, но личност родена во знакот Стрелец ќе ве разубеди во тоа. Ќе имате голема поддршка и од Овните и Лавовите, а секогаш можете да сметате на помошта на Јарците и Вагите. 

Работата со странство ќе се покаже како прилично профитабилна, а освен тоа ќе ви донесе и високо чувство на лична сатисфакција. 

Во текот на април ќе имате големи цели, а вашиот хороскоп најавува процес на градење самодоверба и трансформација на вашата личност. Подгответе се за големи нешта.

Сатурн продолжува да се движи во вашата втора куќа на вредности, каде ви носи инспирација да го дадете и вложите најдоброто од себе, но и да трагате по најдоброто. 

На 1 април, Марс ќе почне да се движи низ вашата шеста куќа на работа носејќи ви ефикасност во исполнување на задачите. Сега е време да се препуштите на она што ве прави среќни во работата и да се посветите на тоа. Оваа енергија ве носи кон нови успеси, а за некои Водолии носи и нова работа. Надредените ќе бидат импресионирани од вас. 

На 3 април со влегувањето на Меркур во Бик во вашата куќа на домот и семејството, ќе треба да направите мала пауза од работата и да најдете време за најблиските. Пораката од универзумот е јасна со овој транзит. Со поддршка од домот и семејството, вие можете да ги остварите и сите врвови во кариерата. 

По отпочнувањето на сезоната на Биковите, на 24 април, Сонцето во Бик креира позитивен аспект со Сатурн носејќи ви сериозност и насоченост кон целите. Ќе успеете да ги покажете своите лидерски способности, а со тоа ќе добиете и признание од луѓето околу вас. Ова не е време за релаксација, туку напротив, период во кој сите очи ќе бидат вперени кон вас. Покажете што можете. 

На 28 април, агресивниот Марс се среќава со непредвидливиот Уран и ви носи инспирација за промени. Можеби е време да им кажете збогум на оние нешта кои ве држат заглавени во место, а наместо тоа да погледнете напред, кон една посветла иднина. Што е она што го посакувате за себе? Како можете да дојдете до тоа? 

Љубов

На ова поле ќе бидете особено активни во текот на април. Вашиот социјален живот ќе биде исполнет со нови луѓе и различни содржини, што ќе ви донесе радост и високо ниво на самодоверба. 

За слободните Водолии, овој месец може да донесе убави средби со Бик, Рак, Вага или Јарец. Тоа се луѓе кои имаат потенцијал да ве натераат лудо да се заљубите. Ќе бидете еден од најактивните знаци на ова поле, но и најпосакуваниот знак во текот на април.

На 10 април, Венера влегува во Близнаци во вашата петта куќа на задоволство. Тоа значи многу задоволство, романса и убави моменти на ова поле. Времето поминато со саканите е клучно овој месец, а тоа ќе ви биде приоритет и за време на младата Месечина и соларна еклипса на 19 април. Еклипсите вообичаено носат драма и нагли промени, но за вас, оваа еклипса носи потреба јасно да ги изразите своите чувства. 

Работите се стишуваат околу 14 април кога Сатурн ќе ја предизвика Венера. Тоа ќе ви донесе чувство како да носите голем товар на своите рамења. Можеби ќе се јави одредена дистанца во вашиот љубовен однос или пак ќе чувствувате дека личноста на која и обрнувате внимание не е вистинската за вас. Што и да се случи, имајте на ум дека секој љубовен однос бара напор од двете страни. 

Сезоната на Биковите започнува на 21 април, а тоа за вас значи љубов и сезона на присутност во сегашниот момент. Но, бидете внимателни бидејќи во текот на истиот ден Меркур го започнува своето ретроградно патување што  може да донесе недоразбирања и конфликти во љубовта.

Здравје 

Посветете се на подобрување на имунитетот.