Маж од село Долно Агларци, општина Новаци, работејќи во градината пронашол артилериска граната од периодот на Првата светска војна.
Како што се наведува во полицискиот билтен, синоќа во 20:14 часот во СВР Битола, С.Т. од село Долно Агларци, општина Новаци, пријавил дека при извршување работи во градината од неговиот двор пронашол стара граната.
Денеска, пиротехничар од Дирекцијата за заштита и спасување безбедно ја подигнал гранатата и констатирал дека се работи за артилериска граната со калибар 105 мм која потекнува од Првата светска војна.
