Матурантите, по две пандемиски години, се подготвуваат за традиционално прославување на матурата за крај на своето средно образование.
Со оглед дека две години, поради ковид-мерките, прославите беа забранени, годинава на задоволство на средношколците, но и професорите, ќе се слави во кафеани и ресторани, со музика, без дистанца и маски.
-Подготовките се речиси завршени. Имаме резервирано ресторан каде ќе свири познат музички бенд. Верувам дека и учениците се подготвени за матурската вечер која несомнено со нетрпение ја очекуваат. Тоа се моменти кои се паметат цел живот и убаво е да се собереме да прославме во име на четиригодишното другарување и учење, вели професорка од еднос скопско средно училиште.
Како по традиција матурските прослави секогаш се синоним за раскошни стајлинзи на младите, луда целовечерна забава на целата генерација, но и помалку носталгија за убавите денови и неизвесност од идината.
Во петок во Скопје на пладне ќе се одржи „Матурската парада“ Плоштадот „Македонија.
Покрај скопските матуранти оваа година на „Матурската парада“ ќе учествуваат и нивните врсници од триесетина градови во Словенија, Словачка, Унгарија, Србија, Црна Гора.