Идната сабота започнува полагањето на екстерните испити од матурата за повеќе од 14.500 ученици кои го завршуваат средното образование во учебната 2025/2026 година.
Во согласност со измените на Законот за средното образование, матурантите годинава за првпат ќе полагаат три различни типа матурски испит: државна матура, државна стручна матура и државна уметничка матура.
За секој предмет се изработени посебни испитни програми базирани на четиригодишната настава.
„Целта ни е сите ученици да имаат еднакви услови и фер полагање. Во согласност со новата Концепција, изработени се посебни тестови за секој вид матура. Организацијата бара поголем ангажман, но подготвени сме да одговориме на предизвикот“, изјави Даниела Јовчевска-Михајловска, директорка на Државниот испитен центар (ДИЦ).
Од вкупно пријавените 14.587 ученици, најголемиот дел ќе полагаат класична државна матура. Интересно е што учениците од стручните и уметничките училишта имаа можност да бираат меѓу државна или профилирана (стручна/уметничка) матура.
Испитите ќе започнат во 9:00 часот наутро, според следниот календар:
- Државна матура: Странски јазик или математика.
- Државна стручна матура: Англиски јазик или математика.
- Државна уметничка матура: Англиски јазик или историја.
Од Државниот испитен центар (ДИЦ) нагласуваат дека сè е подготвено за новиот концепт
