Владата вчера на 112-та седница донесе одлука за еднократна финансиска награда од 30 денари по пациент за матичните лекари доколку достигнат и надминат опфат од 70 отсто со вакцинација од вкупниот број пациенти запишани кај нив.
Мерката пред неколку дена ја најави министерот за здравство Венко Филипче и, како што соопшти владината прес-служба, таа е во насока на стимулација на интересот за вакцинација за заштита од КОВИД-19 и за спречување на ширењето на пандемијата.
Дел од лекарите не се согласуваат со ваквата мерка и велат дека е понижувачка и недостојна.
Активни случаи во земјава има 8001, од кои 3797 во главниот град. Трицифрени активни имаат уште 13 градови, а четири од нив со повеќе од 300: Битола (623), Прилеп (423), Велес (326) и Кавадарци (305).
