Поранешниот министер за правда Бојан Маричиќ денеска во Министерството за правда му ја предаде министерската функција на својот наследник Никола Тупанчески, при што му посака среќа и успех во извршувањето на функцијата, со уверување дека ќе продолжи темпото на спроведување на реформите кои се од круцијално значење за напредокот и евроинтеграцијата на државата.
Информирајќи за примопредавањето на функцијата, Маричиќ во објава на Фајсбук наведува дека во изминатиот период со Стратегијата за реформа во правосудниот систем 2017-2022 и реализирањето на законодавната агенда направен е чекор напред во функционирањето на правосудството.
– Верувам дека ќе продолжи темпото на спроведување на реформите, бидејќи од суштинско значење за напредокот на државата и за евроинтеграцискиот процес се оценките кои доаѓаат токму од правосудството. Среќно колега, напиша на неговиот фејсбук-профил Маричиќ, кој во новата ќе ја извршува функцијата вицепремиер за европски прашања.