Мамо не ме брзај да пораснам, дозволи ми да бидам дете...

Мамо покажи ми дека секогаш можам да разговарам со тебе. А кога ќе пораснам, ќе можам да им верувам на луѓето. Мамо, кажи ми дека сакаш да разговараш со мене. А кога ќе пораснам, ќе знам дека сум интересна.

Мамо не ми забранувај да плачам, да се лутам, да бидам тажна и да бидам среќна. Зборувај со мене за твоите и моите чувства. А кога ќе пораснам, ќе се разбирам себеси и ќе знам дека сѐ е во ред со мене. 

Мамо, забележувај што се случува со мене. Ќе пораснам и ќе можам да бидам емоционално блиска со другите. 

Мамо, помагај ми кога е тешко, утеши ме и кога ќе згрешам и нема да успеам. Не ме казнувај. Кога ќе пораснам, ќе верувам во себе и ќе можам да им помагам на другите. 

Мамо, прашувај ме што сакам и што ми треба. А кога ќе пораснам, ќе ги препознавам своите вистински желби.

Мамо, дозволи ми да не се сложувам со тебе. А кога ќе пораснам, ќе знам како да кажувам „НЕ“.

Мамо, дај ми слобода, немој цело време да ме контролираш. А кога ќе пораснам, ќе бидам одговорна личност.

Мамо, не ме брзај да пораснам, остави ме да бидам дете. И само така ќе стекнам независност и самостојност.

Мамо, само сакај ме. А кога ќе пораснам, ќе ја чувствувам својата вредност. 

Мамо, посветувај ми внимание додека сум дете. А кога ќе пораснам, нема да страдам од осаменост.

И уште една работа. Мамо, прегнувај ме што почесто, те молам!