Седумнаесетгодишник од гостиварското село Галате е тешко повреден во сообраќајна несреќа што се случила во Гостивар.
Според информациите на МВР, несреќата била пријавена вчера во 20:55 часот, а се случила на улицата „Никола Парапунов“.
Во сообраќајката учествувале патничко возило „БМВ“ со гостиварски регистарски ознаки, управувано од 26-годишниот М.Ж. од Гостивар, и мопед со гостиварски регистарски ознаки, кој го управувал 17-годишникот од Галате.
Малолетникот се здобил со тешки телесни повреди, кои му биле констатирани во Ургентниот центар во Гостивар.
Увид на местото извршила увидна екипа од ОВР Гостивар.
