„Македонски железници“ планира да потроши 20 илјади евра за авиобилети

Јавно претпријатие за железничка инфраструктура „Македонски железници – Скопје“, планира да потроши милион и двесте илјади денари или приближно 20 илјади евра за авиобилети, без вклучен ДДВ.

На „Е-набавки“ објавен е оглас за резервација на авионски билети за службени патувања во странство во економска класа. Патувањата се за во Европа и за интерконтинентални дестинации.

Според тендерската документација, треба да биде обезбедено бесплатно патничко осигирување за време на престојот на вработените лица. Критериум за доделување на набавката е најниската цена, а времетраењето на договорот е една година. „Македонски железници“ може да не ги реализира сите предвидени средства за набавка на авиобилетите.