Шест кратки филмови од македонски автори ќе бидат презентирани на фестивал на филм во Кина. Филмовите ќе се натпреваруваат во конкуренцијата за наградата за кинематографија на Југоисточна Европа. Фестивалот се одржува во Нингбо, Кина. Фестивалот на филм е во рамки на економскиот самит China CEEC Expo 2016 на кој учествува и Македонија. Секоја од земјите учеснички на самитот прикажа филм од својата домашна продукција, но филмот за Македонија предизвика огромно воодушевување поради природните убавини прикажани во него.
Филмовите „Повик во ноќта“ на Трифин Ситниковски, „Пепи и Муто“ на Ѓорѓи М. Унковски, „Сивата шума“ на Ѓорѓи Лазов, „Дома“ на Тања Тодорова, „Кружно патување на Марето“ на Жарко Иванов и „Девојката што паѓа“ на Владимир Лукаша се во игра се до неделното прогласување на победниците. Стручно, меѓународно жири од осум члена на чело со Зенг Ци ќе ги прогласи победниците во пресрет на отворањето на Филмскиот фестивал во Шангај.
