Axapta Masters, лидер во областа на Microsoft решенија во Македонија објави дека македонската локализација на Microsoft Dynamics 365 Business Central е достапна на Microsoft AppSource, онлајн платформа на Microsoft која нуди широк спектар на деловни апликации, решенија и услуги.
Компанијата е признаена како брзoрастечки и водечки Microsoft Solutions Partner, со глобално присуство и широк опсег на успешни проекти. Основата на тоа што го нуди Axapta Masters е сеопфатно познавање и имплементација на решенијата на Microsoft Dynamics 365, вклучувајќи целосна поддршка, обука, персонализиран развој и интеграција.
„Почестени сме што сме дел од Microsoft AppSource, уште едно место каде што имаме можност да ги понудиме нашите производи, сервиси и решенија на нашите потенцијални глобални клиенти. Како официјален партнер на Microsoft, целиме кон тоа нашата експертиза да биде достапна преку сите можни канали на Microsoft.“ – истакна Игор Трпковски, дел од менаџментот на Axapta Masters.
„Microsoft ја поздравува македонската локализација за Microsoft Dynamics 365 Business Central - на AppSource, место каде глобалните клиенти наоѓаат илјадници решенија од партнери кои работат со производите на Microsoft “, истакна Џовани Мезгец, потпретседател, Modern Work + Business Applications Field & Partner Marketing, Microsoft Corp. „AppSource и доверливите партнери како Axapta Masters им помагаат на клиентите да добијат повеќе со помалку вложен труд, преку зголемување на ефикасноста, безбедно купување и разумно трошење”.
Сите детали за македонската локализација за Microsoft Dynamics 365 Business Central, се достапни на Microsoft AppSource.
