Фудбалска репрезентација на Македонија синоќа го одработи последниот тренинг на Градскиот стадион во Кардиф каде вечерва со почеток од 20:45 часот ќе му гостува на Велс во последниот натпревар од квалификациите за пласман на Светското првенство 2026.
Избраниците на селекторот Благоја Милевски ќе се обидат да останат непоразени и со тоа да изборат бараж за Мундијалот.
Во случај на чудо во Лиеж и победа на Лихтенштајн над Белгија, тогаш македонската репрезентација може и до директен пласман на СП ако триумфира во Кардиф.
На Велс за освојување на второто место во групата, му треба победа над нашата репрезентација која нема пораз цел квалификациски циклус.
