Во стандардниот рецепт за домашни крофни има квасец, а многумина го избегнуваат поради најразлични причини. Сепак, постои начин на нивна подготовка со јогурт.
Ова тесто е погодно и да се пржи и да се пече. Можете да го наполните со фил и да направите пита, па дури и десерт со чоколаден крем или џем.
Состојки:
450 гр брашно
300 мл јогурт
Едно јајце
100 гр шеќер
Прстофат сол
1,5 лажичка сода бикарбона
1,5 лажичка прашок за пециво
200 мл масло
Подготовка:
Изматете го јајцето со шеќерот, ставете го маслото и изматете. Потоа додајте го јогуртот и измешајте и на крајот ставете го брашното, претходно просеано и измешано со пецивото и содата. Замесете тесто и продолжете да месите додека да добиете мазна структура.
Рассукајте и со чаша обликувајте крофни со средна големина. Пржете во врело масло и веднаш ставајте ги на впивачка кујнска хартија.
Можете да ги декорирате со стопено чоколадо, шарени шеќерни трошки, шеќер во прав со цимет или само со шеќер.
