Од МВР информираат дека се поднесени кривични пријави против четири малолетнички од Скопје, а утре ќе има пријави и против нивните родители за насилството врз друго малолетно девојче - случајот од Ѓорче Петров кој ја потресе јавноста.
- На 29.04.2026 Единицата за внатрешни работи Ѓорче Петров при СВР Скопје до ОЈО Скопје поднесе кривична пријава против четири малолетнички (една 17- годишна и три 14-годишни) сите од Скопје, поради основи на сомнение дека извршиле две кривични дела „насилство“ предвидено и казниво по член 386 од КЗ, соопштија од МВР.
Во два одделни настани, на 27.03.2026 и на 30.03.2026 година пријавените физички нападнале 13-годишна малолетничка, а видео запис и фотографии од настаните биле објавени на социјална мрежа.
Кривичната пријава е доставена до ОЈО Скопје и се постапува согласно Законот за правда за децата.
- Во текот на утрешниот ден (05.05.2026), СВР Скопје ќе поднесе кривична пријава и против родители на инволвираните малолетници, соопштија од полицијата.
