Ова кремасто топло чоколадо е топло и вкусно и совршен избор за празниците.
Можете да го подготвите за целото семејство и да уживате во неговиот вкус за време на вашата омилена серија или филм.
Ставете 4 шолји млеко на оган на средна топлина и почнете да мешате. Можете да изберете млеко по ваш избор. Додајте 6 лажици какао и мешајте додека не се растопи какаото и смесата не стане топла. Штом млекото е затоплено, додадете 6 коцки од вашето омилено чоколадо или 4 лажици Нутела или било кој друг крем по ваш избор.
На крајот додајте неколку зрнца или капки ванила екстракт.
Послужете го топло, а можете да додадете и шлаг и цимет.
